بسم الله الرحمن الرحيم
السلام عليكم ورحمه الله وبركاته
من اجمل القصائد للشاعر / حامد زيد
ليه تطعني
ليه تطعني وانـــــــا ميت بليا
ماكفاك الي حصلّي قبل ساعه
كـن بين همومي وبينك حميا
جيتكم واحد وجيتوني جماعه
انت منا والمصايب من هنيا
كلكم ضدي ترى ماهي شجاعه
ما ابشع من جروح طعنات القفيا
غير سكينٍ تصيب به البشاعه
لاتتوب ولاتذوب ولا تريا
جرحها جرح وفظاعتها فظاعه
ترتوي من فيض دمي والتفيا
وصار قلبي مثل اخوها بالرضاعه
وانت ليل لو ضويته مايضيّا
ضعت فيه وشفت نفسي في ضياعه
اتهيا وين ما اشوفه تهيا
وارسي بمرساه وشراعي شراعه
من عرفته والمحيا بالمحيا
ومايروح الا ذراعي في ذراعه
ان رضيت ارضيه وان عييت عيا
وان طلبني قلت له سمع وطاعه
ما عشقت من النجوم إلا(الثريا)
وماملكت من الكنوز إلا القناعه
وانت وجيوش الموادع والجفيا
كيف اوقف ضدكم وانتم جماعه
لوبجيكم بالشجاعه والحميا
البلا ان الكثره تغلب الشجاعه
منقوووووووووووووووووووووووووووووووووووول
الإثنين سبتمبر 22, 2008 10:03 pm